«Минии хүгшэн эжы»

Халудорова Света, 8-дахи класс

    Минии хүгшэн эжы Холбоева Бадма Мыжитовна 1935 оной сентябриин 20-до түрөө бэлэй. Зургаатай болоогүй байхадань, Мыжит Доржеевич абань, Эсэгэ Ороноо хамгаалгын агууехэ дайнда ябашоо һэн. Долгор Гундыновна хайрата нүхэрынь, үхибүүдээрээ гэртээ үлөө һэн.

  Минии хүгшэн эжы ехэ үлэсхэлэн, хатуу сагта эрэ болоо. Эдеэ хоол, хубсаһа хунар гэжэ хомор байгаа. Дүү үхибүүдөө үргэлсэхэ болоһон минии хүгшэн эжы хүндэ ажалһаа зүрхэ алдангүй ажалладаг, эжыдээ дуһалдаг һэн. Һургуулида юһэ наһатай болоод ошоо. Юһэдэхи класс дүүргээд, түрэл колхоздоо хүдэлхөө үлөө.

    1956 ондо Георгий Самбуевичтай хуби заяагаа холбожо, жаргалтай гэр бүлэ болоо юм. Зургаан үхибүүдые түрэжэ, «гарынь ганзагада, хүлынь дүрөөдэ» хүргэжэ, бултыень гэр бүлэтэй болгоһон байна. Мүнөө минии хүгшэн эжы арбан долоон аша, хорин гушанарай  зол жаргалынь болоод һууна гэхэдэ алдуу болохогүй. Тэдэнэйнгээ түлөө үдэр бүхэн, алтан дэлхэй дээрэ амиды мэндэ ябахыень бурхандаа мүргэжэ һуудаг юм, минии хайрата хүгшэн эжым!