Шэнжэлгын сэдэб: Хүгшэн абым ажалай зам

Бэлдээ: 6-дахи классай һурагша, Ябжанова Аяна

          Минии хүгшэн аба Галсан гэжэ нэрэтэй. Шулуута нютагта 1950 ондо ноябриин 17-до түрэһэн намтартай. Шулуутын эхин һургуули дүүргээд, Тоорын дунда һургуулида һуралсалаа үргэлүүлжэ, дүүргэһэн юм. Һургуулиин һүүлдэ Ербановай нэрэмжэтэ техникумда һураа, тиигээд гэртээ ерэжэ хониндо ажаллаа. 1975 онһоо 1987 он болотор хонишон ябаа. Эрхим ажаллаһанайнгаа түлөө олон тоото грамота болон медальнуудаар шагнагдаа. 1982 ондо Буряадай АССР-эй Верховно Соведэй Президиумэй Укаазаар хони хүтэлбэрилгые хүгжөөлгэдэ габьяатай байһанайнь түлөө хүгшэн абадам «Буряадай АССР-эй габьяата малшан» гэһэн хүндэтэй нэрэ зэргэ олгогдоо юм. Нютагаа нэрлүүлхэ абатай байһанда би омогорхоноб!

       Минии хүгшэн эжытэй сугтаа табан үхибүүдые үргэжэ, «гарыень ганзагада, хүлыень дүрөөдэ» хүргэжэ, бултыень гэртэй, малтай болгоһон түүхэтэй. Хоер зээ басага үзөөд, 2001 ондо наһа бараа. Мүнөө 12 аша зээнэртэй, нэгэ гушатай болоод байна гээшэ.

       Уг гарбалам Хоньхоб гэһэн һадаһадһаа тараһан байна. Би долоодохи үе хүрэтэр мэдэнэб.

Марактай –- Гарма- Лопсон -Ханда- Галсан-Эдик-Аяна.